Bonevet Kamenica njofton se: ”Me kënaqësi të veçantë ju njoftojmë se, pas një procesi të përzgjedhjes dhe shqyrtimit të shumë aplikimeve cilësore, kemi vendosur të zyrtarizojmë drejtoreshën e re të rrjetit BONEVET Kamenica, hapësirës së katërt BONEVET në Kosovë, Gentiana Sermaxhaj.
Gentiana ka përfunduar studimet në Universitetin e Prishtinës, në Fakultetin e Inxhinierisë Elektrike dhe Kompjuterike, dega: Elektronikë.
Para fillimit të studimeve, ajo ka shfaqur angazhim të jashtëzakonshëm në fushën e punës vullnetare në organizata të ndryshme, duke u angazhuar në projekte për të drejtat e njeriut dhe edukimin e fëmijëve.
Drejtoresha e re vjen me një përvojë të pasur në fushën e inxhinierisë, dhe ne jemi të bindur se ajo do të sjellë një kontribut të çmuar për zhvillimin dhe avancimin e aktiviteteve të qendrës sonë.
Qëllimi ynë është të krijojmë një mjedis inovativ dhe të ofrojmë mundësi të barabarta për të gjithë komunitetin tonë.